Në Turqi, ju do ta shihni flamurin turk shumë shpesh dhe kudo. Turqia është shumë krenare për flamurin dhe vendin, kështu që mund të shihet duke valuar nga ballkoni i njerëzve, ndërtesat e qytetit dhe parqet publike.
Flamuri i Turqisë (turqisht: Türk Bayrağı) është flamur i kuq me një yll të bardhë dhe një gjysmëhënë. Ylli është pesëkëndësh. Që prej themelimit të Turqisë, flamuri ka qenë flamur nacional i vendit. Flamuri ishte kopjuar nga flamuri i Perandorisë Osmane në vitin 1844. Në vitin 1936, flamuri ishte standardizuar. Flamuri gjithashtu është quajtur "Ay Yildiz" në turqisht. Kjo nënkupton "ylli i hënës". Hëna dhe ylli në flamurin turk janë simbole islame dhe të dyja janë të rëndësishme.
Mes viteve 1780 dhe 1820, ylli dhe gjysmëhëna ishin prezent në flamurin osman, i cili ishte i gjelbër. Në vitin 1844, ngjyra ndryshoi nga e gjelbra në të kuqe, sikur që është tani. Nga themelimi i Turqisë (Republikës së Turqisë) deri në ditët e sotme u vendos që të përdoret flamuri i fundit osman si flamur i Republikës së Turqisë. Ky ishte flamuri i kuq me një yll dhe një gjysmëhënë.
Themeluesi dhe presidenti i parë i Republikës së Turqisë, Mustafa Kemal Atatürk, shpjegoi kuptimin e flamurit. Sipas tij, shumë njerëz kanë vdekur në përpjekjen për pavarësi dhe një pishinë e madhe me gjak ka rrjedhur në rrugë. Ylli dhe gjysmëhëna do ta shkëlqejnë këtë pishinë të mbushur me gjak dhe simbolika natyrore e kësaj nënkupton se flamuri është poashtu i kuq.
Flamuri turk është gjithmonë i paraqitur në instuticionet qeveritare si shkollat, ndërtesat e parlamentit, sallat e qytetit, qendra tregtare dhe vende tjera. Për ngjarjet e rëndësishme ose pushimet nacionale, flamuri turk valon nëpër rrugë dhe autostrada dhe qytetarët poashtu bartin me vete flamuj të vegjël. Uniforma ushtarake e Turqisë poashtu ka flamurin turk në të.