Shkëlqimi i diellit nga lindja

100 vjetori i titullit "Gazi" të Gaziantepit, që është i famshëm për kuzhinën, mikpritjen dhe historinë, festohet sot. Në qytet, i cili mirëpret vizitorët e tij me bujtinat njëmijëvjeçare të vjetra, kafenetë, xhamitë dhe shtëpitë origjinale, ka shumë ushqime tjera të shijshme përpos qebabit. 

Kur ju eksploroni Gaziantepin, ju mund të nisni nga qendra historike kulturore. Ju mund të gjeni shtëpitë e Antepit në rrugën Dereboyu, ku nisin udhëtimet. Më pas, lëvizni në kalanë qendrore e cila daton prej një mijë vjet më herët nga shekulli i gjashtë pas Krishtit. Vetëm 12 nga 36 kulla kanë mbijetuar deri në ditët e sotme. 

Ecja në Rrugën Kulturore

Ka shumë bujtina, pazare, xhami, strehime, banja turke dhe kafene në Rrugën Kulturore. Kjo bujtinë dykatëshe ishte përdorur për t'i pritur tregtarët dhe prodhuesit e unazave. Afër saj, hambari në formën e një shpelle ishte një vend ku mbaheshin devetë.

Hani i Anadollit përdoret si pazari Halicilar; ka dy hapësira, ndryshe nga bujtinat e tjera dhe tutun (duhani) Han është një nga bujtinat më të vogla në qytet. Duhet patjetër të shihni pjesën e bodrumit, e cila është gdhendur në shkëmbinj nëse vini këtu. Kurkcu Han u ndërtua në vitin 1890, dhe pazari Bugday u ndërtua në shekullin XIX, andaj është një shembull tipik i arkitekturës osmane. Kjo strukturë u ndërtua në vitin 1718 në një oborr qendror dhe dyqanet përreth u përdorën për shumë gjëra (tregti gruri, perime dhe treg mishi). Ka një dizajn në formë L me afërsisht 80 dyqane.

Bujtinat dhe banjat

Një nga degët më të rëndësishme artizanale të qytetit që nga shekulli i 16-të ishte bakri. Në shekullin e 20-të, filloi të humbasë rëndësinë e saj të mëparshme. Zona e pazarit Bakircilar dikur priti këta artizanë dhe mbeti e lënë pas dore për shumë vite. Megjithatë, falë Komunës Metropolitane të Gaziantepit, ata kanë filluar një projekt të ri për të rifilluar dhe ruajtur këtë zanat. Këtu keni gjithashtu mundësinë të shihni metodat e përpunimit të bakrit.

Ka edhe bujtina të tjera historike (Hans) në Rrugën Kultutore; Pürsefa Han, Emir Ali Han, Yeni Han, Budeyri Han, Tuz Han, dhe të tjera. Disa i janë nënshtruar restaurimit, ndërsa të tjerët presin me durim radhën e tyre. Gjithashtu, mos harroni të vizitoni xhamitë në qytet.

Një trashëgimi tjetër historike në Rrugën Kulturore, Naib Hamam, vazhdon me sukses traditën e banjës osmane pas restaurimit të saj. Ka edhe tre banja historike në të njëjtën rrugë; Goymen, Dutlu dhe Hamma Pasha. Nëse doni të bëni një pushim në Rrugën Kulturore, ka një kopsht aty pranë që ka kafene, por më i popullarizuara është kafeneja Tahmis që është ndërtuar dhe është në shërbim që nga viti 1640.

Vendet historike 

Gaziantepi është i mbushur me shumë vende historike. Kjo ndoshta shpjegon pse bashkia po punon kaq shumë për të shtuar një veçori shtesë në këtë tokë të pasur. Mund të gjeni muzeun heroik (Kahramanlik) të mbushur me fotografi, letra dhe statuja. Por, kjo nuk është e gjitha; ju mund të gjeni shtëpi të vjetra të restauruara që janë shndërruar në muze, disa prej të cilëve tani janë muze të lodrave dhe kulturës së kuzhinës. Po, ju lexuat saktë, një muze i kulturës së kuzhinës.