Liqeni Salda... është sikur Marsi?

Nëse jeni kurioz rreth asaj se si mund të duket Marsi, atëherë ju keni nevojë të shkoni jo më larg se liqeni ynë Salda!

Liqeni Salda është një liqen i freskët në jugperëndim të Turqisë dhe është emëruar në bazë të bukurive të jashtëzakonshme. Nofka e tij është "Maldivet e Turqisë", që jep disa indikacione se sa mahnitës është. Rëra e bardhë dhe uji i pastër që reflekton në të kaltër, i kanë mahnitur vizitorët me shekuj. Turistët që e kanë vizituar këtë vend, janë lejuar të bëjnë kamping, të shëtisin dhe të notojnë në këtë zonë natyrore, sidomos rreth Beyaz Adalar, që është e famshme për strukturën interesante. Beyaz Adalar është krahasuar me Marsin për shkak të formave të tij të bardha të përafërta që dikur ishin të mbuluara me ujë. I gjithë vendi të jep një ndjenjë "tjetër", të çuditshme dhe të frikshme!

NASA 

NASA u interesua për këtë vend dhe ka dërguar punonjësit e saj ta studiojnë gjeologjinë dhe mineralogjinë. Krahasimet gjithmonë janë bërë mes Tokës dhe Marsit pasi janë të ngjashme.. sikur motrat dhe vëllezërit apo binjakët. Por, ku NASA njoftoi se ka një lidhje mes vendeve - Liqeni Salda dhe Jezero Crater në Mars - ishte fillimi i një konflikti. Deri së fundmi, turistët janë lejuar të hyjnë në liqenin Salda dhe Beyaz Adalar. Por, në një vendim kontravers, qeveria ka vendosur ta rindërtojë këtë zonë për turistët. 

Turizmi

Në vitin 2019 liqeni u bë një vend i veçantë i mbrojtur dhe u bënë plane për të kontrolluar numrin e turistëve dhe për të ndihmuar në mbrojtjen e liqenit. Shumë biznese të vogla u mbyllën dhe u zëvendësuan me kabinat e suvenireve që shisnin ushqime dhe veshmbathje. Në të kaluarën makinat ishin në gjendje të hynin në bregun e liqenit, por tani një vendkalim prej druri i ngritur që udhëzon vizitorët përgjatë vijës bregdetare. Një zonë parkimi makinash është ndërtuar dy kilometra larg me një sistem karrocash elektrike për të çuar njerëzit në plazh. Ndërtesa të reja që përmbajnë restaurante dhe objekte të tjera janë ndërtuar gjithashtu.

Ka pasur shumë kritika ndaj qeverisë për këtë nismë, por askush nuk mund të argumentojë me faktin se e gjithë zona e Beyaz Adalar tani është e pastër nga mbeturinat njerëzore. Disa kritikë thonë se masat e marra për të mbrojtur këtë zonë nuk shkojnë aq larg! Ata mendojnë se liqeni Salda duhet të trajtohet me gjithë përpikmërinë dhe delikatesën e një muzeu. Vizita duhet të jetë e kufizuar dhe duhet të ketë më shumë fokus dhe aktivitete edukative. Nga ana tjetër, disa shkencëtarë besojnë se ky është një besim i vjetëruar; që ne nuk duhet t’i ndalojmë njerëzit nga një vend kaq i bukur vetëm sepse është shkencërisht interesant.