Tulipanët në Turqi

Ju e dini se ka ardhur pranvera kur ju ecni rreth qendrës së qytetit të Alanias dhe shihni tulipanët rreth qytetit tonë. Asgjë tjetër nuk paralajmëron rritje të temperaturave më mirë se kjo lule e vogël dhe e bukur që shfaqet para rrezeve të ngrohta të diellit. Në fakt, nuk e ka origjinën nga Holanda, por është lule vendore e Turqisë!

Tulipanët janë lule e egër vendore e Anadollit dhe mendoset se kanë ekzistuar që prej vitit 1000 para Krishtit. Emri "tulipan" vjen nga fjala turke "turban", që fillimisht erdhi nga fjala persiane "delband", që ka të njejtin kuptim. Megjithatë, tulipanët njihen gjithmonë si "lale" në Turqi. U bën të njohura kur sulltani i Perandorisë Osmane aso kohe u dashurua me këtë lule.

Aso kohe (në shekullin e 16-të), artistët përdornin tulipanët për t'i dekoruar veshmbathjet, rrobat dhe pikturat e tyre. Ndërtesat arkitekturore të bëra nga mermeri dhe guri ishin të pasura me këtë lule. Poashtu, edhe librat dekoroheshin me këtë lule, e cila përmendej edhe në këngë dhe poema. 

Mania për tulipanët arriti në shkallë të lartë në fillim të shekullit të 17-të, kur blerja dhe shitja e llambave ishte e madhe. Kjo ndodhi kryesisht në Holandë, por efektet u ndjenë në gjithë botën. Historianët e krahasojnë maninë për kriptovalutën Bitcoin sot me tulipanët e asaj kohe.

Çdo lule ka tre petale dhe sepale, por në të vërtetë kjo duket me gjashtë sosh, pasi të gjitha janë të njejtës madhësi. Fakt tjetër interesant për tulipanët është se janë të ngrënshëm! Gjatë Luftës së Dytë Botërore, buka e tulipanit hahej nga njerëzit që nuk kishin mundësi të hanin ushqime tjera. Disa njerëz madje kanë qenë të njohur për prodhimin e verës nga tulipanët.

Tulipanët simbolizojnë dashurinë e përsosur dhe shumë ngjyra bartin me vete nënkuptime të ndryshme: 

• tulipanët e kuq - dashurinë e vërtetë  
• vjollcë: mbretërit
• verdhë: gëzimin
• bardhë: respektin dhe ndoshta edhe kërkimfaljen 
• rozë: kujdesjen dhe urimet e mira
• tulipanët e zinjë janë të rrallë dhe simbolizojnë fuqinë dhe forcën.  

Pra, nëse doni ta shihni një pamje mahnitëse të kësaj lule, atëherë shkoni në qendër të Alanias, ndiqni hundën tuaj dhe shikoni kopshtet përballë zyreve të këshillit. Tulipanët nuk njihen për jetëgjatësinë e tyre dhe lulet "ikin" para se ju ta dini.